Kryetari i Prishtinës, Përparim Rama ka reaguar pas arrestimit të tre zyrtarëve komunal për ‘Keqpërdorimi i pozitës apo autoritetit zyrtar” dhe ”Marrja e ryshfetit”.

Rama ka riafirmuar përkushtimin ndaj sundimit të ligjit teksa ka ofruar bashkëpunim të plotë me të gjitha organet kompetente.

“Kryeqyteti riafirmon përkushtimin ndaj sundimit të ligjit dhe funksionimit të pavarur të institucioneve të drejtësisë të Republikës së Kosovës. Në lidhje me arrestimin e zyrtarëve të Komunës së Prishtinës, Kryeqyteti do të ofrojë bashkëpunim të plotë me të gjitha organet kompetente, në përputhje me detyrimet ligjore dhe standardet e një shteti demokratik. Në këtë frymë, Kryeqyteti Prishtina mbetet i hapur për çdo proces verifikimi dhe veprim procedural, në frymë bashkëpunimi dhe me respekt të plotë për organet e drejtësisë të Republikës së Kosovës. Askush mbi ligjin!”, ka shkruar Rama në Facebook./Arbresh.info

LEXO EDHE:

Arrestohen tre zyrtarë të Komunës së Prishtinës nën dyshimin për ryshfet, njëri u kap në flagrancë

Arrestohen tre zyrtar komunal në Prishtinë, Prokuroria jep detaje